معجنات دايت لذيذه وسهله

صباح الفل على احلى منتدى 

مقادير فينو سن 

1 كوبايه دقيق ابيض + 1 كوب دقيق سن وده موجود كتير + كوبايه زبادى لايت + معلقتين زيت + معلقه لبن بودره + معلقه خميره فوريه او قطعه خميره بيره ويكون احسن "الطريقه"

او خميره فوريه نحطها على طول او بيره نتعكها بسكر ونحط عليها شويه ميه دافيه ونغطيها فى مكان دافى زى الفرن ونحط المقادير على بعضها ونعجنها الميه حسب ما تاخد العجينه وتتلم بس تكون طريه وندهن طبق بلاستيك زيت ونحط العجينه ونغطيها اما بكيس ونحطها فى فرن دافى تريح "بالنسبه للشتاء هتعقد ساعه لكن فى الصيف نص ساعه " وبعدين نطلعها ونشكلها الشكل اللى انتى عاوزها ونغطيها تانى ونسبها تخمر حوالى ساعه تانى وبعدين ندهنها لبن وبيض ونرش سمسم وندخلها الفرن ولما تطلع نغطيها شويه عقبال ما تبرد وبعدين ناخد اللى عايزيه والباقى نحط فى كيس نايلو ونحطه فى الفريزر هيطلع اكنك لسه عمله وبالهنا والشفاءاحلى ابتسامة ياريت اللى يعمله يقولى رايه